გურიის რეგიონში, მაღალმთიან სოფელ ბახმაროსკენ გზის შეკეთება დასრულდა
ჩოხატაური-ბახმაროს 18-კილომეტრიანი მაგისტრალი მთლიანად აღდგენილია. მისი შეკეთება ქვეყნის სახელმწიფო ბიუჯეტს 19.2 მილიონი ლარი დაუჯდა. მაღალმთიან სოფელ ბახმაროსკენ მიმავალ გზაზე ლითონის ღობეები, ახალი საგზაო ნიშნები გამოჩნდა და მგზავრობის დრო მნიშვნელოვნად შემცირდა.
შეგახსენებთ, რომ ამ მარშრუტს ეროვნული მნიშვნელობა აქვს, რადგან ბახმარო არის მთის კურორტი თავისი რბილი და სამკურნალო კლიმატით, რომელიც მდებარეობს ზღვის დონიდან 2 ათას მეტრზე მეტ სიმაღლეზე.
