გურჯაანში, ბენზინგასამართ სადგურზე მომხდარი აფეთქების შედეგად სამი ადამიანი დაშავდა
კახეთის რეგიონში, ქალაქ გურჯაანში, ერთ-ერთ ცენტრალურ ქუჩაზე მდებარე ბენზინგასამართ სადგურზე აფეთქება მოხდა, რასაც ძლიერი ხანძარი მოჰყვა.
ინციდენტის შედეგად, ბენზინგასამართ სადგურზე ავტომობილი დაიწვა, დაშავდა სამი ადამიანი. აფეთქების მიზეზი ჯერ დადგენილი არ არის. ცეცხლი მთლიანად მეხანძრეებმა ჩააქრეს.
