საქართველოს სოფლის მეურნეობის სამინისტროს ხელმძღვანელმა ჩინეთის ბიზნეს დელეგაციის წარმომადგენლებთან ქართული ღვინის პოპულარიზაციაზე ისაუბრა.

დელეგაციას, რომელშიც ჩინეთის ერთ-ერთი უმსხვილესი ღვინის სადისტრიბუციო კომპანიის, Liquan Wine-ის წარმომადგენლები შედიოდნენ, ჩინეთში მცხოვრები საქართველოს მოქალაქე ბიზნესმენი სანდრო ბერიძე (Yixiao Jun) ხელმძღვანელობდა.
«ამჟამად ჩინეთში განსაკუთრებით პოპულარულია ქართული ღვინო, რამაც მის მარაგზე მოთხოვნის ზრდა გამოიწვია. კომპანია დაინტერესებულია, რომ ქართულმა ღვინომ მნიშვნელოვანი წილი აიღოს თავის პორტფელში», — განაცხადა ბერიძემ.