ქვეყანაში არალეგალური მიგრაციის წინააღმდეგ ბრძოლა გრძელდება. საქართველოს შინაგან საქმეთა სამინისტრომ 2024 წლის პირველ ნახევარში არალეგალური მიგრაციის წინააღმდეგ ბრძოლის შედეგები შეაჯამა. იანვრიდან ივნისამდე ქვეყნიდან 525 უცხოელი გააძევეს, რაც 280% — ით მეტია გასული წლის ანალოგიურ პერიოდთან შედარებით.
მხოლოდ ივნისში სამართალდამცავმა ორგანოებმა 124 ადამიანის დეპორტაცია მოახდინეს, ბოლო დღეებში კი კიდევ 41 უცხო ქვეყნის მოქალაქე. მათ შორის არიან აზერბაიჯანის, თურქეთის, თურქმენეთის, ინდოეთის, იორდანიის, ირანის, ნეპალის, პაკისტანის, რუსეთის, სამხრეთ აფრიკის, სომხეთისა და ზიმბაბვეს მოქალაქეები.
შინაგან საქმეთა სამინისტრო აგრძელებს მიგრაციის კანონმდებლობასთან შესაბამისობაზე კონტროლის გაძლიერებას, დამრღვევთა დაუყოვნებლივ გამოვლენასა და განდევნას.
