34 წლის გიორგი პაპაშვილი, რომელიც საერთაშორისო ძებნილთა სიაში იყო, რუსეთის სამართალდამცავმა ორგანოებმა დააკავეს. იგი ეჭვმიტანილია განსაკუთრებით მძიმე დანაშაულის ჩადენაში-17 თებერვალს თბილისში 22 წლის თაზო მთივლიშვილის მკვლელობაში.
ინციდენტი სამუშაო ადგილზე მოხდა. დანაშაულის იარაღად გამოიყენეს საჭრელი დაფა. ადგილზე ოთხი მოწმე იმყოფებოდა, მათ შორის გოგონა.
დანაშაულის შეუტყობინებლობის გამო უკვე დაკავებულია სამი მოწმე, ხოლო კიდევ ერთი ეჭვმიტანილი, ალი ჰუსეინოვი, საერთაშორისო ძებნილთა სიაშია შეყვანილი. გამოძიების ინფორმაციით, ჰუსეინოვი ქვეყნიდან პაპაშვილთან ერთად გაიქცა.
საქართველოს პროკურატურა დაკავებულის ექსტრადიციაზე მოლაპარაკებებს აწარმოებს და ქვეყნებს შორის სამართლებრივი დახმარების საკითხი განიხილება. საქმე კლასიფიცირებულია, როგორც განსაკუთრებით მძიმე დანაშაული.
