თბილისის საპატიო მოქალაქე კიდევ 25 ადამიანი გახდა. მათ შორის არიან მსახიობი ზურაბ ყიფშიძე და საქართველოს ეროვნული საფეხბურთო ნაკრების მთავარი მწვრთნელი ვილი საგნოლი.
«თბილისს გამორჩეული ადამიანები ამშვენებს. მინდა მადლობა გადავუხადო ყველას, ვინც თავისი მიღწევებითა და ყოველდღიური მუშაობით, თბილისის განვითარებაში მინიმუმ ერთი აგური ჩადო», — განაცხადა დედაქალაქის მერმა კახა კალაძემ ახალი საპატიო მოქალაქეების დაჯილდოების ცერემონიაზე.
