საქართველოს ეროვნული საფეხბურთო ნაკრების ვეტერანები თბილისში «მილანის» ლეგენდარულ ფეხბურთელებთან ერთად ითამაშებენ
ეს მატჩი ლეგენდების სერიის პროექტის ფარგლებში 21 სექტემბერს მიხეილ მესხის სახელობის სტადიონზე გაიმართება. მატჩი 19:00 საათზე იწყება.
«21 სექტემბერს გაიმართება ამხანაგური შეხვედრა, სადაც «მილანის» ძველი თაობის ფეხბურთელები ჩამოვლენ. ეს ფეხბურთელები კაკა, სერგინიო, რივალდო, სეიდორფი, კაფუ იქნებიან, ყველამ, ვინც რაღაც შექმნა, მილანისთვის რაღაც გააკეთა. დარწმუნებული ვარ, ეს იქნება ძალიან საინტერესო და სანახაობრივი შეხვედრა», — განაცხადა თბილისის მერმა კახა კალაძემ.
