რუსეთმა საქართველოს, სამხრეთ ოსეთსა და აფხაზეთს ძალის გამოუყენებლობის შესახებ შეთანხმების ხელმოწერა შესთავაზა
მოსკოვი ძალის გამოუყენებლობისა და საზღვრების დელიმიტაციის შესახებ შეთანხმებას ელოდება თბილისს, სოხუმსა და ცხინვალს შორის. ამის შესახებ რუსეთის ფედერაციის საგარეო საქმეთა სამინისტროს ოფიციალურმა წარმომადგენელმა მარია ზახაროვამ განაცხადა.
მისი თქმით, ასეთი სამართლებრივი ვალდებულებები იქნება გარანტია 2008 წლის აგვისტოს ტრაგიკული მოვლენების განმეორების წინააღმდეგ. ზახაროვამ ხაზი გაუსვა, რომ სიტუაციის სტაბილიზაციაში რეალური წვლილი უნდა იყოს საზღვრების დელიმიტაცია შემდგომი დემარკაციით.
მანამდე რუსეთის ფედერაციის საბჭოს თავმჯდომარემ ვალენტინა მატვიენკომ განაცხადა, რომ კრემლი მზად არის საქართველოსთან დიალოგისთვის, მიუხედავად დიპლომატიური ურთიერთობების არარსებობისა, მაგრამ ჯერჯერობით კონტაქტები არ არსებობს. მან გაიხსენა, რომ საქართველოში ამჟამად მიმდინარეობს რთული პოლიტიკური პროცესები, ოქტომბერში ჩატარდება საპარლამენტო არჩევნები, რომელიც სრულად განსაზღვრავს განვითარების კურსს და ამავე დროს აღნიშნავს, რომ დასავლეთი ერევა ამ პროცესში.
